موقف مريت فيه...

السلام عليكم ورحمة الله وبركاته


بصراحه انا جاء في بالي فكره وانشاء الله تتفاعلو معهااااااااااااااااا


نبي من كل عضو يمر عليه موقف طريف او محرج يجي ويسجله هناااااااااااااااااااااااااااا



وانا ابي ابدا واقول موقف مر علي محرج بشكل ماتتصورونه


كان عندي معامله في احدى الوزارات ودقرت شوي وحتاجت فيتامين و


وكان لي صديق في نفس هذه الوزاره فتصلت عليه اليوم الاول وقلت له ان فيه معامله لي عندكم

قالي خلاص بكره الساعه 10 الصباح تجي

انا من العجله جيتهم الساعه 8 ونص ولا حصلت صاحبي اتصلت على جواله حصلته مقفل

اثاري ابو الشباب مدلع مايجي الا الساعه 10 انا مليت وقررت ادخل على المدير اللي امس وحاول اتفاهم معه

ودخلت عليه والضاهر ماكان فاضيلي ومعصب وانا زودتهاااا معه وطال النقاش بيني وبينه حتى وصل الامر الى التعقيد

وطلعت من عنده

وانا راجع للبيت اتصل علي صاحبي وقلت له انا جيت بدري وتهاوشت مع المدير

وقعدت احط على المدير اللي فاقعن سبدي

وهو يضحك وفي الخير بعد مافشيت خلقي في المدير بالتقطيع قال هذا اخوي.........

وبعده صارت صحبه بيني وبين المدير

هذا احد المواقف المحرجه اللي مريت فيهااااااااا

ياليت الكل يشارك

اخوكم شاروخان

ياسخيف على بالك المدير شغال عند ابوك
تتطاول عليه
هذا في خدمة الجميع
على العموم طلعنا عن الموضوع

الموقف الطريف هو
كنت اكلم بنت ما واغازلها وكان عندي اخوي
واسولف معه واسولف معها واثر اخوي طلع وماحسيت فيه
وسمعت حركه عندي وعلى بالي انه اخوي في الظلام
حبيت اسمع اخوي الكلام الحلو اللي قاعده تقوله ميدي
وحطيت سبيكر وماهي الا لحظات حتى احسست بذاك المخمس
اللي لو في وجه كافر اسلم
اثرها طلعت امي وانا احسبها العله اخوي
بس اسبوع ماتكلمني امي وبعدها طحت من عينها

ههههههههههههههههههههه

خال يرحم أبووك تكفى عليك موقف صراحه موقف لاتحسد عليه أبد أبد

حاضر تكفى فكنا من المواقف هذي عن الملاحه جبلك موقف شريف شوي طحت من عين الناس كلهم

أبد مير كودنا نحاول نستر ما وجهنا >ماش ماهقيت

............................

كلش ولا موقف السيكل

شفتوا المراهقه وماتسوي

محد قال لأهلي يغطوني بدري

مره في خامس ابتدائي

كنت العب بسيكل دعيسان خالي

واجي متحمسه مادريت الا ويطلع قدامي واحد من عيال خوالي

يافشيلتي بين العربان على ماقالوا

المصيبه اني صقعته بالسيكل

وانا منهبله مررره مغير اقوول يوهـ يوهـ

قال هو بكل بروود طيب خلاص خلاص لاترتاعين ابروح

ودي اني ناطتن عليه أكفخه قهرني مستسخف اني اتغطى >>فيس معصب

في حزتها قعدت اتحسب على اللي قال لأمي أن بنتك كبيره غطيها >>>صحيح ان الطول عز بس يقهر احيانا

تبون ثاني والا زهقتوا

مره وحنا راجعين من المستشفى كنت انا ورا امي المهم

امي تنزل مع النزله حقت العربيات

واناوراها بحكم اني ما أدل

وصار فيه زيت منكب
زلقت امي وطاحت انا هنا مسكت عمري قامت امي وقعدت تصيح من الفشيله
>>ياعووومري ياأمي

انا وراها صارت لي نفس الحركه وبأقوى لا وعمي كان معنا بعد وشافني انا لحالي

انا غشيت ضحك وامي تصيح تحسبني اضحك عليها >>احرااااج

وانا أضحك على روحي
وقامت تهاوشني
وقلت انا اضحك على روحي انا بعد طحت

وادور مالقيتها اثرها تسدحت من الضحك >>>عصبت انا هنا
طاحت من عيني امي

الحين تصيح على روحها وانا تضحك علي والله القهر

يالله مير عسى ما طولت عليكم

هذي طفوله مدري مراهقه المهم
حاجه قديمه
بس الحين اعجبك بطلنا نحب وبطلنا
نعشق
وصرنا مشغولين في التجاره وما الى ذلك

هههههههههههههههههههههههه

يامال الهجاد والله .. .. والله إنكم فضايح
اما انت يا شاروخان .. يا خالي ..
أسمحي .. دلاخه .. مقاس لارج ..

عاد المواقف والله إنها واجد .. <<< والله من الدلاخه ... ..


والله محتار في ثلاث مواقف ..
1 : المستشفى ..
2: دبي .
3: المدرسه لما كنت فالإبتدائي ..

..


المهم بقولكمــ .. موقف دبي ..

بسم الله ..



هذا ياطويلين العمر والسلامه

مسافرين انا والوالد للإمارات .. وبالأخص . دبي ..
المهم ..

انا مسافر مع الوالد على بالي مترجم .. يعني على بالي فلته

المهم .. دخلنا الشركه .. الي نتعامل معها

مشكلتنا مشكله .. معهم

كلهم يتكلمون إنجليزي .. وانا والوالد .. ما في راسنا شيء

بالإشاراة لحد ما دخلنا .. غرفة الإجتماعات ..


المهم .. حسب ما فهمت يقولون .. المدير بيجي .. <<< بالإشاراه هع

المهم .. ونسولف انا وابووي ..

وحنا نشولف إلا .. والمؤظفين من رجالهم وحريمهم .. واقفين عند باب الغرفه
انا قلت يا ولد وش السالفه إنقلاب سياسي يعني <<<<< فاهم على بالي بالسياسه

يشروون لنا .. بشيء برى ..

هم يقولون كلمة إنجليزي .. <<<<< تصدقون دراستي الي بالإنجليزي .. راحت
ماعاد براسي إلا يس نو ..

المهم ابووووي جاب الطامه الكبرى ..

يقول خالد اكيد المدير جاء خلنا نشوف
>>>>>>>>>> والله إن قلبي يخزني .. حاس إن فيه شيء

المهم لما دخلونا غرفه قريبه

إلا .. وابوووي .. ديرو .. مع دربه (( يعني رجع .. وهو فاطس من الضحك ))
انا مدرعم .. مروح للغرفه ..

إلا وهالأكل .. الي ما شالله .. شيء حركات .. وفواكه


عرفة إنا جبنا العيد ..

والموظفين يمسكوني انا وأبووي .. (( يحسبوون الأكل ما أعجبنا ))

انا أقولهم بالعربي ياهوه والله شبعان مالي نفس .. << سطرني إذا أحد فهم

عرفو الموظفين إن مافي روسنا شيء .. هههههههههههه


وضحك الجميع .. وإلا وابووي هزئني هذاك التهزيء ..
جايبك من الرياض على بالك مترجم .. وأثاريك دجه .. هذال (( يعني مافي راسك ))


المهم كلمت على واحد من الشباب ابيه يترجم الكلمه .. الي يقولونه ولا فهمتها ..

طلعت .. lansh
يعني غداء هههه


ما احمقني .. والله ..

والمواقف الثانيه .. إنشالله قريب ,.

ياهلاااااااااااااااااا بالجميع


سياكل وسيارات !!!!! طيب وش خليتو لتماسيح؟؟؟؟؟؟؟؟

ويسلموا على مشاركتكم

حويضر شغلك عندي... يابو التجاره انت
بس لايكون كنت تغازل شغالتكم الهنديه وانت ماتدري هع هع هع

تاركان بالله قووووول لهم موقف المدرسة

فاطس ضحك

هههههههههههههههههه
عليكم مواقف هع هع
انا ان شاء الله لي باك في موقف ان تذكرت

سلاااام