يامال فرقا العين............

السلام عليكم ورحمته وبركاته
.

كيف حالكم

مسكت معي وجات القصه كذا.
قصيدة وقصة يا مال فرقا العين
..
.القصه أبطالها .. رياض .. وشهد
.
كانوا اثنين من عصافير الحب ,, عاشوا قصه حب (وعلى حسب ماقرأت) علاقتهم دامت سبع سنوات حب ,,, الين جاء الوقت اللي افترقوا فيه ,, كيــف !!؟
.
رياض تقدم لشهد ,,, لكن أبوها رفض ,, وقال البنت توها بتكمل الدراسه ,,
قال رياض خلاص ,, وانا بنتظرها ,, المهم تعددت اللقائات بين شهد ورياض ورسموا مع بعض مستقبلهم ,,
.
لكن
.
رياض تقدم للكليه الحربيه ,, وقبلته ,, وصار اغلب وقته في الكليه ,,, وصاااار للعصفورين ,,اكثر من اربع شهور ,, ما شافوا بعض ,, اللهم مكالمه وحده بالشهر ,,, اللي تتم بينهم ,,
.
في يوم من الايام ,, جا رياض ودق على شهد ,, وقالها انه بيقابلها الخميس الجاي ,,, يعني بعد اسبووع ,, وشهد من كثر الفرحه ما نامت الا يومين من الاسبوع تنتظر يوم الخميس ,,, لكن جا يوم الخميس واخلف رياض وعده ,,, ومر تقريبا شهر ما كلمها ,,,
فجأة ..
طق البــــاب
مين ؟؟
وصلة لشهد رسالة معها شريط ,, شهد قرت الرساله وهي من رياض اعتذر فيها ,, وكتب كلمات القصيدة
.يامال فرقا العين يوم حجزوني ..
تضيق بي الدنيا وانا مواعد أحباب
.
يوم الخميس اللي يجي واعدوني ..
أحبابي اللي دونهم ترخص أرقاب
.
كافي مضت أيام فيها فقدوني ..
عقب القهر مشتاق والشوق غلاب
.
أبو هالشوق جرح عيوني ..
دمع أهله مادرو فيه الأصحاب
.
لاجيت برقد هيضتني شجوني ..
تروح بي الذكرى على ذيك الأهداب
.
ولاجتني الذكرى جتني جنوني ..
أسهر وطيفه داخل العين ماغاب
.
ياعاذلين القلب لاتعذلوني ..
الحب ماحشم طويلين الاشناب.

.
.
..شهد .. ماصدقت .. ومالها الا ترد بدموعها المحروقه .. وكيانها المهزوز ..
.
بعد أسبوع بس .. وصلت رساله لرياض في محتواها ..
.
.
يامال فرقى العين يومه نساني ..
الصاحب اللي مابقى غير طرياه
.
راح وتركني في حياتي أعاني ..
مع هاجس الذكرى عيوني تمناه
.
مدري وش اللي في غرامه بلاني ..
راحت بي الذكرى مع أيام لقياه
.
واليوم أشوفه لجل غيري رماني ..
نسى عيونه اللي تعذب لدنياه
.
والله مادري والمصيبه حناني ..
قلب يحبه عزم اليوم فرقاه
.
أبيه يذكر وش خذا من زماني ..
ضحيت من شانه أدور على رضاه
.
واليوم كانه عقب هجره نساني ..
عز الله أني قلتها اليوم بنساه
.
لاصوره تبقى ولاله مكاني ..
بنسى عيونه اللي له المر ذقناه
.
.
.
.
.وكانت بنفس الطريقه ونفس اللحن ونفس المعني ..

وبكذا كتبت قصة فراق .. من مليون قصة فراق

حاضر الرد على يمال فرق العين كان لشاعر المعروف زبن بن عمير او عبدالله ناسي بالضبط لكن الاكيد من عيال زبن بن عمير وغناها يوسف شافي في ألبوم منوعات على ماعتقد من كلمات الشاعر , هو نفسه المقدم في قناة الصحراء
إذا انت مألف القصة عاد العذر والسموحة واعتبر الرد بمجرد تنويه عن كاتب رد القصيدة ,, تحيتي

سطام لو قريت اول الصفحه المكتوب بالون الاحمر كان عرفت المؤلف
وماطرحتها بالشكل هذا الا للنقاش والوصول للحقيقه

مشكور ع المرور والتنويه

ومشكور تاركان ع المرور والتعديل نع انه مافيه فرق

حلوه القصه يا حاضر والقصيده


يعطيك العافيه



مشكور

انا اعرف القصيده لكن القصة

اول مره تمر علي

شكرا ياحاضر