بصراحه شئ!!!

بسألك كيف نتقابل دامنا ليل ونهار

لوتقابلناتموت الناس وتقوم القيامه

كيف واحنا بالتناقض قلب ثلج وقلب نار..

قلب ماعنده هيام..وقلب ميت من هيامه..

النصيب اللي جمعنا عاد واللي صار صار..

ماعلى قلبي ملام ولاعلى قلبك ملامه

لكن أسف وأقبلو مني رساله أعتذار..

ظرف حب وفيه ورد وبين طياته حمامه..

عله أخرمايكون من الوله والأنتظار..

وعلى ماتبقى تحت جفني من الفرقا علامه..

دام ماللحب فيكم أي قيمه وأعتبار..

ليش عذبتم خفوقي واستغليتم غرامه..

ليش ماكنتم معي بالحب في نفس المسار..

قبل أعيش أيام موت القلب والآم أنقسامه..

جيت وعيوني هدايا شوق وأحلامي كبار..

ورحت وآنا مامعاي من الهموم الاعظامه..

من عرفتك والاماني طايره والنوم طار..

منطوي والبال يشرب وحشه الليل وظلامه..

"أعترف لك كنت أحبك حب حد الأنتحار..

كنت أحس بضعف قلبي لاسمعتك وأنهزامه"

لين شفت أن الفراق أحيان مامنه فرار..

قلت أفارقكم وأموت ولاأعيش بلاكرامه..

والاأنا والله قبلك ماعرفت الأنهيار..

لين شفت بموت عيني نار دمعه وابتسامه..

لو "خذلتم حب قلبي" واعتبرتوه انتصار

ماخذلتم رأسي اللي ماخضع للوقت هامه..

بالغلا مازال يجمع بيننا درب ومدار ..

كوكبين وكل كوكب له مداه وله نظامه..

اخذ أخر مابقا لك في شفاهي باختصار..

روح بحفظ الكريم وغادرني بالسلامه..

وان خذتني غربه الفرقا لمستشفى شهار..

قلت عاشق طار عقله ماتراجع عن كلامه..

ويوم شفت الليل لايمكن يقابله النهار

قلت روح والوعد في يوم القيامه ..!!

الله عليك جناااااااااااان والله حرااام

أعجبني كل بيت مدري وش أقتبس

بس هذي حلوه

أتوقع المسأله شخصيه بينكم
ما توصل يوم القيامه عاد

شكرآ يا فهد

الله يسلمك يافلوح اما الشاعر اعذرني غير معروف

ياهلااااااااااااا بنايف

والله عاد الشكوى لله وش نسوي ؟؟

صح الله لسانك ولسان شاعرها ...

كلمات .. قووويه .. قويه .. يا ذيبان .. ما ننحرم

من الجديد يالغالي

يامرااااااااااااااااحب


ماننحرم من مرورك وتعليقك ياقلبي

صدقت والله

بصراحه هي مو شي وبس إلا اشاء


تسلم اخوي شاروخان على القصيده الغاويه


وعلى النقل الطيب



ولا هنت اخوي


ربي يحفظك

ماسكه على القصيد يافهد
\
احد محرك مشاعرك بشي كذا كذا

يسلموا طيف على مرورك الكريم


والعفوووووووو