يوميـآت الأعضـآء بكـآميرـآ ـآلجوـآل او ـآلي تبي :)

طيـف · 17-Mar-2008, 02:52 AM

السلام عليكم

أخوي حاضر إنت شكلك تبا طلبات أكثر عن حدها ..
أنا أبغيك تصور..
1- نعالك ..
2- فرشاة أسنانك
3- المعجون اللي تستخدمه
3- الصابون اللي تستخدمه أو الجل
4- الشامبو
5- إممممممممم
خلاص

تاركان · 17-Mar-2008, 04:45 AM

نعاله عاد يا طيـــــــــــــــــــــــــــــف

حرام والله حرام هع

حاضر · 17-Mar-2008, 12:48 PM

نادر على بالك ما أسويها؟
راح تشوف كل الصور هنا خلال الاسبوع الجاي انشا الله(حسبي الله عليك)>>>يبي يعدمني

حاضر · 17-Mar-2008, 12:49 PM

طيف اخاف تكون دعايه للماركات اللي عندي>>>>مسوي يستخدمها

انا وبنت خالتي · 19-Mar-2008, 12:51 AM

متى بتجي الصور

طيـف · 19-Mar-2008, 12:58 AM

هع

تاركان مب حرام هو اللي قال إطلبوا
والأعضاء ماخلولي شي قلت اختار النعال وادوات الحمام ..
حاضر ..
أوكي نبا نشوف ماركاتك ^_^
<<إلعب غيرها ..

حاضر · 19-Mar-2008, 01:05 AM

ليه مستعجلين
خلوني امخمخ عليها شوي وانشا الله يوم الاثنين بعد العصر بالضبط بتكون كلها موجود بدون استثناء

صدق طلباتكم بتفضحني بس ماعليه
الى متى وحنى نتخفى من الحقيقه؟

انا وبنت خالتي · 20-Mar-2008, 12:05 PM

<< حويضر عندي طلب تذكرته امس صورة الددسن الي تحط في الخاروفات مدري عاد وش سالفته بس تذكرت وابي اشوفه

<<< بتتكففففففففففففففففففخ هي وطلباتها

FALEH · 21-Mar-2008, 01:01 AM

والله من الفراااااااااغ...

حاضر..ماعليك..كمل..وأسحب..

حاضر · 24-Mar-2008, 07:23 PM

اول شي اعتذر على التأخير لاني بصراحه الايام اللي طافت كنت مشغول مره مره
ثاني شي اعتذر عن بعض الصور اللي كان من الصعب الحصول عليها والظاهر انها واضحه ومايحتاج اذكرها
ثالث شي اترككم مع الصور اللي قدرت اجيبها معي

هذي النظاره ياتاركان بس قل ماشاء الله ترا بدت عنوني توجعني

هذي بعض العزبه وكان التصوير مسائي لضروف الجو هالايام

هذي الذبيحه اثناء الطبخ برضو التصوير كان مساء

هذي اكره قاعه عندنا في الجامعه وابشركم 90% من محاضراتي فيها

هذا غدانا يوم الخميس الماضي في روضة الخفس بس كان مخيم العمل مسوين كشته بس مالها طعم
طالعين كننا شياب مانسوي شي كل مكان عامل يعني شيووووووووووخ

هذي كتب الجامعه بس على فكره تعتبر كنز للمعلومات اللي فيها الله يقطعها

وهذا اللابتوب بتاعي من نوعية ديل نص فل

اما هنا صورة افضل واطلق مطعم في العالم صراحه مجنوووووون معروف موقعه شمال الرياض

ملحقنا الجديد نيو ماصارله حوالي شهرين تقريبا بس خوش صج

اما غرفتي لاتعليق

فالح هذا برج العرب اخذت الصوره في عيد الاضحى

تسجيلت بلوت تقهر بقوه

حوشنا في استراحة بتنا

هذي الله يسلمكم مدرستس من برا

هذي البقاله ودباب التوصيل

هذا اخر سوق جيته قبل اسبوع ونص تقريبا (الجنادريه)

هذي يافرفش سيارة البر من الخارج>>>>>تفو ماشاء الله

اما هنا صور السياره من الداخل اللي طلبتيها ياخوخه>>>تعبت وانا اصورها

طيف احرجتيني كثييييير بس مايخالف

اما باقي الطلبات اللي نسيتها يعذروني لضروف العمل والدراسه

اما الطلبات اللي كان فيها صعوبه بصراحه حاولت اجيبها بس ماقدرت

حـــاضـــر

يوميـآت الأعضـآء بكـآميرـآ ـآلجوـآل او ـآلي تبي :)

معمل عسكر