آسف في جيتي لك تواضعت..ظنيت الاقي فيك شي فقدته

آسف انا في جيتي لك تسرعت.......ظنيت الاقي فيك شيٍ فقدته
كنت احسبك مجروح مثلي تولعت......جربت فرقى شخص قلبك وهبته
كنت احسبك من مر جرحك تجرعت....حبيت فيك احساس طفلٍ لمحته
لوقلت آآآه بوسط روحي توجعت.......ولو شفت دمعاتك شعوري سكبته
ولو تطلب اعيوني ابد ما تمنعت.......واعطيك قلبي لو بعد ما طلبته
وصلت بك... اعلى مكان وتربعت.......وفي قلب غيري ياالغضي ماوصلته
واصبر على صدك واشوفك تدلعت.......واعطيك ود وما اظنك حسبته
اذهلتني بطباعك اللي ...تطبعت.......حتى قصيدي فيك ابد ما فهمته
لو كان غاياتك حروفي فانا بعت.......وافرح بجرح الشاعر الي جرحته
وأرجوك من صدك تراني تشبعت......خلك مع اللي عاجبك او عجبته
يكفي قهر في جيتي لك تواضعت.......تركت غيرك لجل عينك وبعته
ياليتني عن حب مثلك..ترفعت.......ياليت قلبي قبل اعرفك دفنته
لكن ابي ابعد دامني بك توهقت.......الله يرحم حبنا اللي ذبحته
انا شريت الود والحين انا بعت.......وانا عطيتك قلبي اللي قهرته
في يوم جيتك اطلبك ود واقنعت.......نفسي بانك شخص عادي عرفته
كمل حياتك مثل ما انا توقعت.......تبقى اسير الماضي الي فرضته
ولا يحزنك اني جبان وتراجعت.......حولك بدالي ألف شخصٍ عجبته
اما انا لا يمكن اخضع ولا طعت.......يحرم علي اعطيك قلبٍ خذلته
باريّحك من شوفتي يوم قاطعت.......اسلوبك اللي بة تجامل كرهته
غلطان يا المقفي انا ما تتبعت.......غيري يتابع خطوتي ما تبعته
ما ينحني راسي لو اني تقطعت.......وما هوب انا من لا رميتة لقطته
وان كان غرك حكي عذالي وطعت.......الله يعلم كيف قلبي سكنته
اللي ملا قلبك علي وتسمعت.......خله يعوض شخص مثلي خسرته
انا بما فية الكفاية تولعت.......واللي بقى من قلب فيني حرقته
وان شفتني صدفة بعينك تطلعت.......ذكرتني با نسان غالي فقدته
باول لقا سلمتة احساسي وضعت......غلطت حياتي يوم قلبي سلبته
واستسمحك في البعد كاني تراجعت.....ما عاد ابلقى فيك شي فقدته
طبعك مثل غيرك وطبعي كما كنت.......احب شخص ولا تركته

أكته...الله الله ....

حلوه القااافيه

تااخذين بطااقة عبوور

يعطيك العافيه اختي مزاجيه
قصيده اكثر من رائعه

قصيده رووعه
صدق منطوق اللي قالها
واللي طرحها ^_^

لاهنتي عسوووله

في يوم جيتك اطلبك ود واقنعت.......نفسي بانك شخص عادي عرفته
كمل حياتك مثل ما انا توقعت.......تبقى اسير الماضي الي فرضته

كلمات رااائعه .. مثل من نقلها ..


تسلمين يالغلا

أكذب عليكـ أختي مزمز ...

إذا إنّي أحسّ إنها طالعة من قلبكـ دووون إعجاابكـ بها ...

وللمعلومية الدنيا ما تووقف عند حدّ ...

وياما خذينا منّها ما خذينا .. وتجرعّنا العنا لناس معينه ...

ولكن ...!!!

للأسف تذهب ادراج الرياااح ...<< الاخ هذا حزين ...تهي تهي تهي تهي ...@

يسلمووو وربي على القصيدة المنتقاااهـ ..

لا عدمنا التواااصل بلا فوااااصل ...,,,,,

اختيار رائع

يدل على روعة احساسج..

واتمنى من كل قلبي تكون

كتاباتج احلى من هالابيات بعد

رغم روعتها...


دمتي بحب