كيف تحافظ على شكلك امام ختيبتك ههههع

حس المطر · 03-Jun-2008, 02:24 AM

كيف تحافظ على شكلك قدام ختيبتك

· اياني واياك تحلق مره ويغدي وجهك املط تسن لاحسته بقره. ترى البنات يموتون في شي اسمه سكسوكه.

· في اليوم اللي بتقابلها فيه لا تروح تسهر مع الشباب ثم تغدي عيونك تسنها زره بالطو... ارقد من عقب العشاء وقبل الموعد اشرب لك قهوه تركيه تصحصحك علشان ما تفشلنا بفهاوتك.

· كثر من مشاهده الافلام المصريه القديمه وغش منهم كم من كلمه وشوي حركات وغمزات.. ويالله عساك بس تذوب البنت.. مع اني ما ظنيته.

· رح لحلاق صاحي يعدل في خشتك شوي واهم شي الصنفره والقناع وان تسان الدعوى كايده امرخ وجهك بفازلين.

· ضع عزيزي مسحه من كريم الاساس.. شوي بس علشان ما يبان انك حاط شي. وشخطه من الكحل جوا عنوناتك عنوني بعدين امسحها علشان تطلع عيونك كحيله خلقه. ولعطه روج على براطمك, تخبر البراطم سود من التدخين. بس انتبه وانا اختك اذا جيت تشرب شي عندها لا يطبع الروج في الكاس ثم ينكشف المستور.

· قصص اظافرك زين وابردها لا تمخش بنت الناس. ولا تنسى ان تلط يدك بقليل من كريم الاساس خاف البنت تقز الفرق بين الوجه واليدين.
· وعلى طاري اليدين: ان تسان يدينك فيها شعر كثير شلها علشان ما تحوم كبد البنت.

· يجب ان يكون الثوب مكويا جيدا وخاليا من العفوط ومرزام الشماغ مضبوطا وانتبه للعقال ان لا يكون مائلا.
· لا تلبس فنيله علاقي وانما البس فنيله ام نص كم عشان ما تلاحظ البنت سواد ........... من دون الثوب.

· لا تلبس زبيريه وانما البس جزمتن وشرابن. وقبل الخروج لمع جزمتك جيدا حتى تغدي تلق.

· لا تروح لها تطوح يديك يالقعيطي, خذ معك ورده. واذا كانت البنت قرويه خذ معك عذق تمر سكري والا نبوت سلطان لتكسب ودها وتقدير امها.

· وانت عند البنت خلك ثقيل لا تخق ولكن ذا ما يمنع من شوي من الرومانسيه كأن تقمعها مع راسها لتعبر عن اعجابك بخفه دمها.

· لا تقز بقوه في البنت بعدين تخاف منك والا تقول عنك مشفوح. ولا تنتقدها كثيرا كأن تقول : " انك دبيه يا بعد مصراني" والا " ماهذه الخلاقين ياطحالي من وين مجمعتهم" . واكتف بالتلميح للاشياء التي تعجبك كأن تقول " ياحبي للعصلات" " يازين الدراعت الحمراء".

· لا تطول القعده عندها ولا تكثر الزيارات علشان يتقطع قلب البنت وتشتاق لك. يعني اكتف بمره وحده في اليوم والليله.

· اثبت رجولتك بعد ان تطلع من عندها وذلك بأن ترجم دريشه غرفتها بالحصى واذا طلت شغل موترك وفحط وارسم ( قلب ) على الزفلت ثم رح.

· واذا وصلت بيتكم رح لغرفتك وصك الباب زين وسد الفتحه اللي من تحت بفوطه و خرق القفل بمنديل عشان محد يتسمع او يتلقف في روايتن اخرى واتصل عليها وقل كل اللي عندك , لا يردك الا لسانك وتقفيله الخط في وجهك اذا استحت البنت وتأزمت حالتها.

والله يكتب لكم اللي فيه خير و بالرفاء والبنين

نوقيلي/منقول

طيـف · 03-Jun-2008, 02:27 AM

هيه زين سويتي يا حياة

علميهم كيف يتصرفون

اخاف عقب يفشلونا ويقولون إن نحن مامنا فايده

وما نعلم اعضاءنا ..

وإسمعوا يا الشباب كلامها

مشكووره حبوبه ع الطرح

الظريييف

وما قصرتي

.

خفير · 03-Jun-2008, 02:46 AM

عقب الحركات هذي بتغسل يدها مني

يعطيك العافية

FALEH · 03-Jun-2008, 02:50 AM

^
^

طيب وين الرجووله ..أختي

ع العمووم ..ماعندنا الخبوطاات هذي..مانشووف البنت الاا بالدخله...

هااك الحين يصير خيييير

شااكرك ع المعلوماات نستفيد منهاا

حس المطر · 03-Jun-2008, 03:10 AM

اقتباس:

المشاركة الأصلية كتبت بواسطة طيـف

هيه زين سويتي يا حياة

علميهم كيف يتصرفون

اخاف عقب يفشلونا ويقولون إن نحن مامنا فايده

وما نعلم اعضاءنا ..

وإسمعوا يا الشباب كلامها

مشكووره حبوبه ع الطرح

الظريييف

وما قصرتي

.

طيوفه شكله

لاحياة لمن تنادى اهئ اهئئ اهئ

شاكرة لك مرورك الغالي

حس المطر · 03-Jun-2008, 03:22 AM

اقتباس:

المشاركة الأصلية كتبت بواسطة خفير

عقب الحركات هذي بتغسل يدها مني

يعطيك العافية

ولا يهمك إنته (جرب وخلي البائي علينا)÷÷÷÷÷××××إعلان مصري ÷÷÷÷÷÷

لطلب متشلش هم إتصل ع الرئم ده 0000000

مشكووووووور بعنف على مرورك الكريم

حس المطر · 03-Jun-2008, 03:27 AM

شااكرك ع المعلوماات نستفيد منهاا[/quote]

خيي فلوحي بغني ياليل مـــــــــــــطولك هههههههههع

طيـف · 03-Jun-2008, 03:31 AM

حياة ماعليج منهم

واخوي فالح ترى نحن جيه بعد عاداتنا

لا تتحرى إن نحن غير

بس هاي سوالف

وحياة ماقصدت شي يالدوب

يالله

فـ حفظ الرحمن

.

خفير · 03-Jun-2008, 03:40 AM

فالح

بنات اخر زمن ترااااااااااااهم مايمشون الا بالعين الحمرا

حس المطر · 03-Jun-2008, 03:45 AM

ترا كلها هروج مزوح لاتاخذون على خاطركم مني

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم

الذين يشاهدون محتوى الموضوع الآن : 1 ( الأعضاء 0 والزوار 1)

كيف تحافظ على شكلك امام ختيبتك ههههع

صالة الأفراد