نوره موجوده

الــتــايــه · 01-Jul-2008, 10:03 PM

>كنت نايم.. وبعالم الأحلام هايم..
> مادري في شو كنت أحلم
> مره احس اني اسوق سياره..
> ومره اقول كنت مضيف طياره..
> كان الجو بارد..
> وكنت متغطي وشارد..
>
> رن التلفون
> وقلت ياترى من يكون؟؟
> هذا المزعج هل هو صديق ولا مزيون..
> هل هو عاقل ولا مجنون؟؟
> رديت عليه وانا كلي شك وظنون!!
> وبـرقه بعد ماكنت عصبي انا انسان حنون..
> سمعت صوت ماتوقعته.. :
> ولا في خيالي تخيلته..
> ولا حتى بحلمي سمعته..
> بنت.. <<
> قلت هلا
> وقالت اهلين..
> نوره موجوده؟؟
> قلت وأنا صوتي رايح فيها..
> لحظه شوي بناديها..
> وجلست أصوت واقول نوره .. يامن نوره يلاقيها..
> ورديت للسماعه وقلت مادري وين راحت الله يهديها..
> بس دقيقة ماعندنا نوره!!
>
> وبادر البنت خوف!!
> قالت آسفه غلطانه..
> قلت ولا يهمك عادي لا تكونين زعلانه؟؟
> مايهم اذا ماعندنا بالاسم فلانه..
> قالت شكلك كنت نايم..
> قلت لا.. توني قايم..
> قالت تدرس ؟؟
> قلت الدراسه خلاص باح..
> انتي شكلك تدرسين؟؟
> كيف اختباراتك ؟؟ عسى أنكم مرتاحين..
> قالت باقي لنا ونخلص يومين
> وخايفه والله من مادتين..
>
> قلت من الاختبارات لآ تخافين..
> دامك الليل تذاكرين..
> وعلى الله تعتمدين..
> واللي يزرع جح ( بطيخ ) ما يحصد يقطين..
> أهم شي انك ماتنسين..
> قبل الاختبار الله تدعين..
> ومن إبليس تتعوذين……..
> خلقه من نار وخلقنا من طين.. وجلسنا نسولف في أمور..
>
> من شو اسمك الين غلاء المهور..
> قالت اسمي (ود) وقلت لها انا امحمد..
> وقالت صدفه غريبه اسامينا فيها دال..
> تصدق كنت اتمنى يسموني نوال!!
> تصدقين وانا كنت اتمنى يسموني جمال
> وجلسنا نسولف في بحور الشعر والموال..
> وماهمنا كلام الناس والعذال..
> وفجاءة خلصت السوالف ولا لقينا اللي ينقال؟؟
> وسكتنا..
> وبدلع..قالت أنت تشجع النصر؟؟
> قلت في قلبي.. مادري أجاوبك بكف ولا بنعال..
> بالله عليك هذا سؤال؟؟
> قلت أنا هلالي.. وما يهمني القيل والقال.. << احلى
> هذا الكوماندوز هذا حبه طاح في القلب ولا ينشال..
> والشمس مايغطيها مشخال..
> قالت شمعنى الهلال!!..
> قلت يا بنت.. الهلال فن ولعب ويفوز باللي حضر..
> وجمهوره له كلمة وامر..
> يابنت..لا تغريني بالكثير..
>
>
> لو تضربين مليون بصفر تساوي صفر.. << احم
> و حتشرنا وشبينا.. بس بسرعه انطفينا..
> الظاهر بعضنا هوينا..
> وبدرب الحب ابتدينا..
> قالت.. محمد..
> قلت آمري يا ود..
> قالت اوصف لي شكلك..
> هذا وين توهقنا..
> شوفي العرب لونهم واحد
> ولسانهم واحد.. واحلف بالله ولا غيره أحد
>
> أني ماني طويل ولا قصير..
> شعري ناعم مثل الحرير..
> قالت والعيون..
> قلت العيون شبرين في ثلاثه اشبار
> قالت اسد..
> قلت شكرا يا احلى شهد
> المهم ان تواعدنا..
> والموعد باجك في المول قررنا..
> بين خوف وامل تواعدنا..
>
>
> وقضيت ليلتي في حيرة..
> وش البس؟؟ جنز ولا كندوره والله حيرة..
> مافي غيرها يفك الحيرة.. شيشه و تعميرة..
> ورجعت للبيت اعاتب امسي وابتسم لغدي..
> وبصعوبة نمت.. قعدت اتقلب وون..
> يا قلبي قلي شو اللي من الحب اهون؟؟
> غريبه هالدنيا غريبة..
> وراحت ليلتي.. وزادت بلوتي..
> اليوم موعدي.. انا والحب بنلتقي..
> وكشخت
>
> لبست فوق راسي غترتي..
> في مكان اللقاء تغيرت حتى خطوتي..
> صرت ارتجف واترنح بمشيتي..
> كائني انساق للموت وهاذي نهايتي..
> مب سوالف شجاعة.. هذي اكبر بطولاتي..
> ايذا خسرت بتضيع احلى امنياتي..
> جلست ادور والف وحول المكان اطوف..
> وين هذيك العين اللي عليها قلبي ملهوف..
> ود؟؟ ياليت الناس تجي وتشوف..
> وفجاءة..
>
>
> وصلني مسج..
> يقول..
> سويتها فيك
> رد بيتكم وخل عنك هسوالف ياتـعبان
> روح نام ..
> تعيش وتاكل غيرها
> و سويتها فيك ..
>
>
> :المرسل
> الــــــــــــــــــوالده

منقول

الــتــايــه

سحوره · 01-Jul-2008, 10:31 PM

ههههههههههه

يعطيك العافيه

قصه شيء

منسمه امه ماشاء الله عليها ..........

تقبل مروري

سحوره

حاضر · 01-Jul-2008, 11:13 PM

مهويه ذا الام الله يخلف على عيالها بس

سلمت ياذيبان

مزاجيه · 01-Jul-2008, 11:33 PM

ههههههههههههههههههه ماهيب صااحيه امهم..

مشكووور.....)على الموضوع يذكرني بشي مدري وشو

الــتــايــه · 02-Jul-2008, 12:20 AM

سحووووووووره

حاضر

مزاجيه

ماننحرم من ردودكم

الــتــايــه

خفير · 02-Jul-2008, 12:38 AM

يعطيك العافية

جوجو · 02-Jul-2008, 03:34 PM

سلام
امهات 2008 ههههههههه
يعطيك العافيه التايه
جوجو

الــتــايــه · 02-Jul-2008, 09:50 PM

خفير

جوجو

تسلمون على المرور والرد.

الــتــايــه

ابوصفوان · 03-Jul-2008, 12:12 PM

لا الاه الا الله انا ظنين ان الحكاية راح تكون سعيدة بوقوعكم في يد الهيئة بس للاسف معليش لا تعيدها ترا حرم الناس حرام

الـمهــنـــد · 03-Jul-2008, 12:59 PM

ههههههههههههههههههههههههههههههههههههه

حلوووووووه * حلووووووووووووووووه

مسكين هالولد وش بياكل من المقالب

مشكوووووووووووور ماقصرت يابطل

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم

الذين يشاهدون محتوى الموضوع الآن : 1 ( الأعضاء 0 والزوار 1)

نوره موجوده

قسم طريف