أحاول أبتسم وأنسى ولكن وش ينسيني

الــتــايــه · 01-Aug-2008, 02:19 AM

تِصَدِّق وإلا ما تِصَدِّق .. أنا عَاجِزْ عَنْ التفكير

تعَالْ وشُوفْ في عينِكْ غِيابكْ وشْ عَمَلْ فيني

حبيبي ما بُقى عِندي صَبرْ .. يتْحَمَّلْ التأخير

رَحَلتْ وعِقبكْ الدنيا غلاها طاح مِنْ عيني

أجَاوبْ اللِّي يسْألني عَنْ أخْبَاري وأقولْ بخير

وأنا لا خِير بغيابكْ .. ولا حَاجَه .. تهنيني

على طاريكْ كِلْ لحظه .. ولا أحتاج للتذكير

حَريصْ القلب ما ينسَى عيونِكْ , لا توصيني

مَحَدْ يِقْدَر يعَوِّضْنِي لأنِّكْ .. في عيُوني غير

ومَهْمَا شِفتْ أنا الفرحَه .. بدونِكْ ما تسليني

أنا خِنتِكْ .. وهالغلطه حبيبي ما لَهَا تبرير

علاقة حُبْ مَجْنُونَه .. ما بينْ أحزاني وبيني

وكيف الحَالْ وشلوني .. جَوابٍ ما يَبي تفسير

بدونِكْ إنتْ , ما تِضْحَكْ حَياتي وترْمِشْ سنيني

مِثلْ شَاعِرْ عِجَزْ يوصَفْ شعُوره وخانه التعبير

أنا ضايع .. ولا أدري مِنْ فراقِكْ .. أنا ويني

مِثلْ طيرٍ كِسَرْ بُعْدِكْ جَناحَه وما قِدَرتْ آطير

أحَاولْ أبْتِسِمْ وأنْسَى ولكنْ وشْ ينسيني..؟!

أشُوفِكْ في صباحي إنتْ مَعْنَى يا صباح الخير

وأشُوفِكْ في مَسَائي حِلْم وردي .. لا تصحيني

تِصَدِّق .. السَهَر يَرْسِمْ عيُوني ويتْقِنْ التصوير

ويشِقْ النُور في صفحة حياتي .. وما ألاقيني

أنامْ شلونْ ومشكلتي عِجزتْ ألقى لَهَا تدبير

طِلَبتْ النُومْ .. لحظاته وعيَّى النُوم يعطيني

تغيَّر وجْهَي .. مِنْ أوَّل غيابكْ وإبْتِدَى التأثير

حبيبي .. مِنْ التَّعَبْ كافي خذيتْ اللِّي يكفيني

يا أغلى مِنْ رَحَل عنِّي يا كِلْ الحُبْ والتقدير

تعَالْ: إنْ كان لِي عِندِكْ مَعَزَّه وكان تغليني

تعَالْ: إنْ كِنتْ تعشقني وإذا فِعلاً تبي لي خير

تعَالْ: ومِدْ لِي .. كَفْ الوَصِلْ .. وآمِدْ كَفيني

إذا كانْ الجِفا واجِبْ بدى مِنْ قلبي التقصير

أبيكْ الحِينْ .. تِرجَعْ لِي ولا تِرجَعْ تخليني

أنا ما أقولْ اللِّي صَار فِيني ما هقيته يصير

لأنِّي كِنتْ .. ( مِتأكِدْ ) .. بأنْ البُعد ينهيني

منقووول لعيونكم ..

كــ خليك ـول · 01-Aug-2008, 02:47 AM

صح لسانك

القصيدة روعة

يعطيك العافية

الــتــايــه · 01-Aug-2008, 05:58 AM

مشكور أخوي خليك كووول

ماننحرم ..

حس المطر · 01-Aug-2008, 07:41 AM

صح لسانك ياكويس...

دايم ماشاء الله عليك موفق ومميز في أختياراتك

لاعدمت هالذوق....الحلووووووووو

خيي التايه

حاضر · 01-Aug-2008, 06:17 PM

ياتسذبك تسذباهـ وانا اخوك

تبي تسوي نفسك روماااااااانسي

لا والله انت ابو الرومانسيه انت وفايز المالكي بس
والباقين تقليد

جوجو · 01-Aug-2008, 06:25 PM

ذوووووووووق ياااذوووووق
تسلم
اخوي التايه

جوجو

سحوره · 01-Aug-2008, 07:36 PM

ههههههههههههههههه حاضر منت بصاحي ..

صراحه احس هنا بالمركز مافيه رومنسي غير حاضر هع>> من جنبها

يسلمووو ابن العم على القصيده الحلوه .. ودوووم اختيارك موفق ...!!

بس لاعاد تكثر من القصايد .. خلك في الشئون الدينيه والا القسم الطريف احسن

الــتــايــه · 01-Aug-2008, 10:57 PM

اقتباس:

صح لسانك ياكويس...

دايم ماشاء الله عليك موفق ومميز في أختياراتك

لاعدمت هالذوق....الحلووووووووو

خيي التايه

صح بدنك ياكويسه
ولاعاد تطولين الغيبات ..

اقتباس:

ياتسذبك تسذباهـ وانا اخوك

تبي تسوي نفسك روماااااااانسي

لا والله انت ابو الرومانسيه انت وفايز المالكي بس
والباقين تقليد

أفأ عليك أنا أبو الرومنسيه << مشكله الثقه الزايده

دار بلا ريحة قحطان ..بخروهاا ..

اقتباس:

ذوووووووووق ياااذوووووق
تسلم
اخوي التايه

أنت أكثر من يحمسني
أدوره القصايد الزينه وأنزلها ..

ماننحرم من طلاتك الحلوه ..

اقتباس:

يسلمووو ابن العم على القصيده الحلوه .. ودوووم اختيارك موفق ...!!

بس لاعاد تكثر من القصايد .. خلك في الشئون الدينيه والا القسم الطريف احسن

ياجعل عيني ماتبكيك ..

سحوره · 02-Aug-2008, 12:48 AM

اقتباس:

دار بلا ريحة قحطان ..بخروهاا ..

خير ان شاء الله ....... وش هالكلام .... ؟؟

ابن عموو صراحه يبي لك تصفيق ..

انت متبري من قبيلتك ..؟؟

ليش كلش حق العتبان تلطشه وتحطه للناس ... في قسم الشعر حاط القصايد حقت العتبان للسعوديات وهنا حاطه لغمار قحطان ...!!

ياويلك مره ثانيه تقلب حق العتبان لقبيله ثانيه ...مفهووم ..

...!!

>> وش رايكم اعرف اعصب

..؟؟

حاضر · 02-Aug-2008, 02:11 AM

بديت احقد طن طن طن

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم

المواضيع المتشابهه للموضوع: أحاول أبتسم وأنسى ولكن وش ينسيني
الموضوع	كاتب الموضوع	المنتدى	مشاركات	آخر مشاركة
الحمد لله تم الترقية إلى اصدار احدث .. ولكن ..!	SaTTaM	الميدان	20	17-Jul-2008 05:02 PM
قصيده ولكن بدون نقاط / عادل القهوجي..	elprofser2008	بيت الشًًًًًًعر	8	23-May-2008 04:35 AM
لوحات تبكى من الألم ولكن فى صمت	اصالة الشريف	معرض الصور	6	15-Feb-2008 05:02 PM
خادمه تسافر الي اهلها كل اسبوع ولكن عن طريق ؟؟؟	الساهر	قسم طريف	3	10-Oct-2007 08:37 PM
أمشي ولو أموت وأنا أمشي .. ولكن ما حبـي...	النعامه الحولاء

الذين يشاهدون محتوى الموضوع الآن : 1 ( الأعضاء 0 والزوار 1)

أحاول أبتسم وأنسى ولكن وش ينسيني

بيت الشًًًًًًعر