يـا صانـع المكيـاج الله يجـازيـك ..خليتني مخـدوع فـي شكـل خلـي

يـا صانـع المكيـاج الله يجـازيـك
خليتني مخـدوع فـي شكـل خلـي

الله يحـرق مصنعـك مـع مبانيـك
والمعرض الموجـود في بيكاديلي

ادعي عسى تعمى وتنشـل رجليـك
هـذا دعائـي دوم لا جيـت اصلـي

خليتني اركـض ورا البنت هاذيـك
واشوفها اجمل غـرام ٍ حصـل لـي

قلبي عشقها ياحبيبي توماتيك
وان شافها قلبـي يرحـب يهلـي

هي رحبت بـي وقالـت الله يحييـك
وقالت هلا باللي عشق زيـن شكلـي

وقالت انا اجمل بنت في اللي حواليك
شف حسني الاخاذ وروجي العسلّـي


طالعتها ثـم قلـت هالقلـب يبغيـك
ومن شاف حسنك خلى غيرك يولـي


ابغي اشوفـك دون مكيـاج يكسيـك
وابغـي اشوفـك بالجمـال المحلـي


قالت تبينـي افـرك الوجـه تفريـك
واشيل هالبـودر وروجـي وكحلـي


قلت أي نعم قومي عسى الروح تفديك
ابغـي جمالـك هالطبيعـي يهـلّـي

قالت دقايق راجعـه لـك واراويـك
ذاك الجمـال اللـي لعينـك يسـلّـي

ويوم رجعت لي شربكتني الشرابيـك
وحسيت الارض تدور وانـا بمحلـي

الخد كنه ياحياتي سيراميـك
والوجه شارع مثـل شـارع حولـي

الوجـه كنـه بيـت كلـه شبابيـك
من هالحفر في وجهها اللـي يعلّـي

كلـه سبـب مكياجـك الله يجازيـك
خليتني مخـدوع فـي شكـل خلـي

ونصيحتي لكل شاب من غير تشكيك
لا لا اتسـرع ثـم تنغـش مثـلـي

اللـي بـلا مكيـاج خلهـا حواليـك
واللـي تحـط مكيـاج خلهـا تولـي





عجبتني مره وقلت لازم انقلها لمنتداي المفضل
واضح ان الشاعر اتصدم صدمه قويه وهو صادق
لولا علبة المكي كانت الحاله تبكي ههههه>>> بنات لحد يزعل تراني بنوته زيكم

هههههههههههههههه

قسم قاسم انك رهيييييييييييييييبه

والشاعر منحوس شكله طاح في خجما

تشكرات فوفو

خجما ؟؟؟

بس واضح انه اكل علقه محترمه


يسلمووو ع المرور النايس يا نايس

خجما يعني قرنبع>>>>فهمت الاوله عشان تفهم الثانيه


خجما تقال للسيارات اللي مكسره وفيها خدوش وصدوم وما الى ذلك

ههههههههههههههههههه

قرنبع فهمتها

يسلموو ع التوديح خيو

ههههههههههه

قصيده تهبل .. يعطيك العافيه ..


والشاعر شكله طاح في وحده خجما


لاعدمناك يالغاليه ..



>> عليك الفاظ

بصراحه الشاعر ماعنده سالفه اذا كان يحب صدق..ماكان بيناظر شكلها بصراحه نظرته سطحيه


عالعمووم مشكوره على النقل فوفو لاعدمنا هالطله الحلوه

بصراحه المكياج يغطي بعض الدقوش



يعطيك العافية

فوفو يسلمو عالقصيده

الحلووووووووووووه