بدوي متعصب فتح منتدى جديد شوفو شروطه

بدوي متعصب فتح منتدى جديد شوفوا شروووطه..
لقد تغيرت شروط التسجيل في المنتدى ....
وتم تغيير مسمى المنتدى لتواكب مرحلة ما بعد الحرب الباردة


اعرفوا الشروط زين....وافهموها....

واللي ما يبي هالشروط يعل اللي صبوعه الي ضربت على الكيبورد
الكسر...
ولو ما عليه كلافه يضرب راسه باقرب جدار....حنا ما نلعب....واللي يبينا حياه الله بيننا....فهمتوا.
بما ان هذا الموقع موقعي بروحي لابارك الله فيكم وفي الساعة اللي فتحت لكم هالموقع....
فاللي يبي يسجل معنا يوافق على الشروط من ورى خشمه ....


والشروط هي..
1- اللي يسب اي واحد من الاعضاء بنجيه وبنربط حواجبه في مدعميات الكلوزر ... وبنروح ونرقيه العرقوب فيه باقرب عرقوب...
قايلكم حنا ما نلعب


2-اللي بيخربط بالدين ولا بالسياسه....هذا عذابه عذاب ... بخليه يتخيل انه قرد ولا عمره ذاق موز... وابحجز له على اقرب رحله على طياره ترش اليراد وابخليه فيها على ارتفاع 50000 الف قدم
وبربطه به على خوص نخله...علشان ما يعود لها ...
قايلكم حنا ما نلعب


3- انتم اعضاء لكم تكتبون بس ... ولااحد فيكم يسوي لي فيه مراقب مانبي مراقبين ...
فهمتوا ولا افهمكم ...


4- مسموح الذب ... والذب هي كلمه اتيه من الذباب وهي فعل مضارع جمع تكسير مضارع
بسيط ... فهمتوا ... صح ولا ماهو صح ... قولوا صح لابارك الله بالساعه اللي جمعت هالويويه
فيها ... واللي بيزعل من الذب بنخربط ويهه ونخليه يطالع في المرايه ويطلع الاخطاء التسعه
عشر... ايه تسعطعش ... ساحتنا وحنا حرين فيها


5- اللي بيسجل باسماء قبايل وعوايل ... ولا مخله بالادب ... هذا بنوديه لا اقرب شيخ وبنكويه
من علبااااه ... وبعدين بناخذه لأقرب طوي ... وبنفره وبنطلعه ... ونفره ونطلعه الين مايقول ...
اشهد ان الفتك سياره ... قايلكم ما نلعب ...


6- قريتوا الشروط ........ هاه عجبتكم .... فهمتوها ... انزين ما عندنا تسجيل هالايام .... واللي يبي يسجل
معنا يرسل لي ايميل على تلفوني اللي ماني ذاكره لكم ... لان الدعوه عناد ... واللي براسه حب ما انطحن .... تراي ابطحنه له.... واذا فيه خير يقابلني وين ما يبي ...

ملاحظه ...

اللي بنكتشف انه ريال مشورب ويكتب باسماء بنات ... ولا بنات تكتب باسماء ريايل هذيلا بنخلي ويهم كلمات متقاطعه يصعب حلها .... والله ما يضرب بعصا يا سرع طيحتهم
موافق .................
غير موافق ...............
واللي فيه خير يكتب غير موافق .......




منقوول



>>>> اشك انه حاضر مسوي على باله بينافس سطام


<<

ههههههههههههههه

هذا مايبي أحد يسجل ..

بس حلوه >>>

مشكوره سحرنه ..

لا من جهة موافق موافق بس لو كانت الشروط اكثر صرامة احسن

مشكورة سحرنة

هههههههههههههه


ضحكتني بصراحه ..


شكلك زيي مافهمت من كلامه الا ذا القرد والموز ...؟؟


والباقي مدري وش سالفته ..؟؟



>>> العفوووو التايه ..

هع هع

بالعكس انا احب الاقلاع وهذا شروطه تعجيزيه>>>اموت واعرف من اللي قالك انه انا؟

بيني وبينك انت والشباب اللي هنا

ترا سطامموب بعيد من هذا ابد ياهو قلق بس الله يعين

شكرن ياسحر على الصرقعه وعلى الذبه

هههههههههههههههه


والله عصبي



مشكوووووووره

مشكور حاضر مزووووووح .. والذبه عادي مافيها شي

حلوووووووووووه الله يعينه على نفسه



يعطيك العافيه سحوره



جوجو