نقاشات حادة بين الشباب والبنات

سحوره · 24-Aug-2008, 04:19 AM

هههههههههه

يعني الحمل الاكبر على الزوجه ..>> الله يعينها ..

وتعترف انكم تكذبون ..!! ياللعجب ..

بعد عمر طويل اذا تزوجت والله مااصدقه الزوج المصون

خفير فيه موضوع بقسم صالة الافراد

جــوالـــك تــحــت المجــهر ^_^

طالبينك تجاوب .. وشكلك ماشفت الموضوع ... الموضوع موقفينه نحتريك .. جاوب اذا تقدر واذا شفته وتكذب علينا >> بمسك عليك الكذب .. امزح

اذا ماتبي ترد اعتذر ... عشان يمشي الموضوع ...

طلعت برا السالفه خخخخخخخخ

اسفه لابوصفوان ...

جوجو · 24-Aug-2008, 04:31 AM

بسم الله استعنى على الشقا بالله<< نوت الثرثره

**اول شي هو ماراح يضره شي لو قالها بس فيه رجال طبعهم كذا مايحبون يعلمون المفروض منها تخليه على راحته وتخليه اصلا ماايبي

يروح عنها ابد ويعني ليه تصر على انها تعرف وين رايح اذا كان بيكذب عليها او ماراح يقول وفي الحالتين راح تنكد على نفسها

**ثاني شي وش دخل الحريم بزوجها يسألونها وين رايح المفروض حتى لو تعرف مااتقول لهم الا اذا كانت امه طبعا او اخته او امي مثلا

**اما بالنسبه انها تكثر الطلبات اذا كان مشغول عنها ومو منتبه لها فهذا مااهو حل ابد بالعكس ينفره منها وحنى والله الرجال ماهو

متخالص معانا اذا طنشنا قلنا بنطلب عشان نلفت انتبااه واذا عزنا واكرمنا قمنا نقول لازم ندلع عليه ووقتها نتشرط عليه مو نطلبه

**بالنسبه لسؤالك ليه يكثرون طلعه برى البيت هذي المسأله غالباً تكون هي السبب فيها يعني اذا الزوج ماارتاح في البيت وهو عنده

القدره انه يطلع ليه مايطلع

والحل يكون بالحوار الهادئ وكل واحد يقول الي بخاطره من دون لا يجرح الطرف الاخر

**وبالنسبه للسؤال الثاني

ليه بعد السنه الاولى ماتحلم الزوجه بشي ......؟؟؟؟؟؟؟؟

هذا مي قااعده ابداً اعرف ناس عندهم احفاد وهي للحين دلوعه زوجها وينفذ لها الي تبيه وعايشين حياتهم كأنهم عرساان

وبعدين مثل مالزوج يتغير بعد سنه مثلاً الزوجه كمان تتغير مثلا في زينتها له في احترامها له في اشياء كثيره

على العموم تجربه فااشله او تجارب مو هي الحكم

والحيااه الزوجيه بين الرجل وزوجته اكبر من ان يتحمل طرف واحد مهمه اسعادها او مسئوليه فشلها

انا ماني جالسه ادافع عن الرجال لا والله بس اقول الي انا شاايفته من وجهة نظري

جوجو

سحوره · 24-Aug-2008, 04:36 AM

نقص كلامتس فقش ياوخيتي

تميلح عند زوجها وجع ... هع

امزح امزح ياخيتي ..

جوجو · 24-Aug-2008, 04:43 AM

هههههههههههههههههههههههههههههه

شوفي بقول لك شي الي نقتع فيه شي والي نسويه شي غالبا الناس مو كل شي مقتنعين فيه يسوونه

مثلاً في ناس تسمع الاغاني وهي تعرف انها حرام وانها تجيب الضيقه ومقتنعه بهالشي وعلى كذا مااهي قادره تتركها

انا مااقول ابد اني كاامله بالعكس علي اخطاء تطلع الروح بس مايستحملني الا هو الله يعينه علي

وبعدي بالنسبه لوين رايح وربي هو يعلمني من نفسه واصلا هو يحب جلسة البيت يعني مااظطريت ااني اسأله

ونسيت اقول شي التوفيق قبل كل شي حتى لو الواحد بذل جهود الي ربي كاتبه بيصير

جوجو

سحوره · 24-Aug-2008, 05:06 AM

يابعدي انتي والله كل الحلى والغلا ..

مزوح والله بس ابي اخليكي تفرفشين وتضحكين بس ..

والا انت ماشاء الله عقل وثقل ..

ويكفي انك طيبه ومتفاهمه حيل ..

الله يوفقك ويخليكم لبعض ويكفيكم شر عيون حاسدكم ..

وكلامك اللي فوق يوم اقول فقش ... والله انه صادر من وحده فاهمه بامور الحياه وحكيمه .. ماشاء الله عليك ..

الــتــايــه · 24-Aug-2008, 05:09 AM

ياحليلكم وياحليل نقاشاتكم ..

اقتباس:

طيب السؤال الثاني ... ليه بعد السنه الاولى ماتحلم الزوجه بشي ......؟؟؟؟؟؟؟؟

ومين قال !!!!

ترى أكرهه شي عندي ياسحر التعميم ..

وبعدين مو أي مكان أروح له لازم أعلمها وين >> خير ياطير ..

بس ماأكذب عليها ..

جي جي كلامك كله حلو ...

سحوره · 24-Aug-2008, 05:19 AM

اقتباس:

ومين قال !!!!

ترى أكرهه شي عندي ياسحر التعميم ..

قسم ان خالي صادق يوم قال هالكلام ..!!

شوف خفير اعترف .؟؟

انا مااحب الواحد اللي مايعترف ..؟؟

انت يمكن تقول كلام كثير انك وانك .. بس خلك واقعي .. وشوف الناس حولك ..؟؟ راح تعرف ان هالكلام صدق ..

واذا مااعترفت بعدين اذا تزوجت بتقول ياحليل سحر والله انها صادقه ... !!

وبعدين هالكلام قاله خالي .. ينصحني فيه ..

وهو متزوج وله 17 سنه ماتجيب حرمته عيال وهو يموت فيها ولاتزوج عليها ... بس انه واقعي .. وماكذب هالكلام .. !!

يعني المقصود من كلامه انك السنه الاولى تنفذ اوامرها كلها اللي تقدر عليه واللي ماتقدر عليه ..

وبعد السنه الاولى تصير بينكم زي الميانه .. فتتعود تطنشها ..

فالطلبات اللي تقدر عليها تنفذها واللي فيها شوية صعوبه ماتنفذها صح والا لا ..؟؟

الــتــايــه · 24-Aug-2008, 06:04 AM

اقتباس:

يعني المقصود من كلامه انك السنه الاولى تنفذ اوامرها كلها اللي تقدر عليه واللي ماتقدر عليه ..

وبعد السنه الاولى تصير بينكم زي الميانه .. فتتعود تطنشها ..

فالطلبات اللي تقدر عليها تنفذها واللي فيها شوية صعوبه ماتنفذها صح والا لا ..؟؟

وأنا معه بس ....
مو أني أطنشها ....

سحر أنا أقصد يوم أقول لاتعممين ..

أن فيه زوجه عن مليون زوجه ..
وفيه زوج عن مليون زوج ..

والله يرزقك (ويرزقني) ويرزق أعضاء عسكر > (شريك الحياه) الي يسعدهم ويدلعهم ..

مزاجيه · 24-Aug-2008, 12:03 PM

هههههههههههههههه والله ياحليلكم مره متحمسن..يعطيك العافيه ابو صفوان على هالموضوع تعرف نقطه اعضائنا الاعزاء يحبون

هالسوالف مره ههههههه ياحليلهم...يله انا بطلع مالي في هالسوالف..بس غريبه وينها صاحبه السمو..لازم نشوف ردك مآي سستر

مافيه موضوع نقاش بدون رأيك الحكيم>>ولا هانوا باقي الاعضاء

سلام عليكم

ابوصفوان · 27-Aug-2008, 12:29 PM

اقتباس:

المشاركة الأصلية كتبت بواسطة مزاجيه

هههههههههههههههه والله ياحليلكم مره متحمسن..يعطيك العافيه ابو صفوان على هالموضوع تعرف نقطه اعضائنا الاعزاء يحبون

هالسوالف مره ههههههه ياحليلهم...يله انا بطلع مالي في هالسوالف..بس غريبه وينها صاحبه السمو..لازم نشوف ردك مآي سستر

مافيه موضوع نقاش بدون رأيك الحكيم

>>ولا هانوا باقي الاعضاء

سلام عليكم

مشكورة على مرورك الكريم اخت مزاجية

انا شايف ان الجماعة ماودهم يتناقشون

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

نقاشات حادة بين الشباب والبنات

مجلس الأفراد