الفرق بين الاطفال الاجانب وأطفالـــنا .

الفرق بين الأطفال الأجانب وأطفالنا




أطفال الأجانب


في الصباح حيث يبدأ يوم أطفال الأجانب عندما يستيقظ على صوت

الكناري الي بغرفته

بعدها يتوجه للحمام

يتروش ويفرش أسنانه ويطلع

من الحمام تستقبله المربيه بالمنشفه وتصبح عليه يروح يغير ملابسه

وياخذ شنطته وينزل لغرفة الطعام ويصبح على أمه وأبوه

وأحلى بوسه ياخذها منهم ويفطر ذاك الفطور

طبعا عباره عن كورن فليكس أبو ديك وبيضه وحده بس!! وكاس عصير وشويت زبده مع العسل

على خبزه.


وبعدين يقوم يغسل فمه ويودع الماما والبابا ويتوجه للسياره يلقى قدامه



السواق مبتسم

ويفتح له الباب

ويوديه لمدرسته الخاصه



وأطفالنا الشاطرين


ورعانا يقوم الصبح بعد مايطلع عين أهله ولازم أفراد العائله تمر عليه


عشان تصحيه وكل واحد وطريقته:

الأب: قم جعلك الهزل

الأم: قم جعلك الجدري

الأخ: والله إذا ماتقوم لأفقع وجهك

أخته:< تسوي نفسها بتدلعه؟؟؟

يالله قوم وأعطيك شنطة أخوك تروح فيها للمدرسة



بعد مايقوم يمر الحمام على السريع ويغسل وجهه


وبعدين ياخذ أقرب كتب عنده ويربطها ويجيك مدحدر يدور على الفطور

ويتفاجأ

أنهم ماحطوه؟؟


بعد مايجي الفطور

وهو كالعادة: فول شكشوكه تميس+ حليب


يبدأ الورع بالأكل وشوي إلا وهو حاذف أخوه بعلبة الهندسه؟؟

عشانه سحب صحن الفول من عنده< مسكين مايطوله؟؟

وشوي إلا وهو


مسدد بقس عنيف يمشي مليووووووووووووووون

لأخوه الثاني!! لأنه سرق فسحته؟؟


أبوه يتكلم معه ياورع أركد وافطر وعين خير أنت وش بلاك وراك مدرسه

يرد الورع عليه: أنت ماتشوف سعيدان سارق فسحتي؟؟

< سعيدان أكبر سارق بالبيت؟؟؟؟

أبوه على طول يصدق
ويصـ‎ــــــ‎ــــــ‎ــــــ‎ــــــ‎ـــــك
سعيدان كف صدقي

المهم بعد مايخلص الفلم اليومي يروح الولد للسياره يلقى أخوه فاتح الكبوت ويصب ماء للرديتر المشقوق

تقفل أخلاق الورع وينقز للشارع ويأشر لأقرب سياره

ويروح للمدرسه



2

اطفال الناس الأجانب


بعد المدرسه يرجع أطفال الأجانب ويلقى المربيه في استقباله تاخذ الشنطه وتوديها لغرفته بصحبته يغير ملابسه ويغسل وجهه ورجليه

ويستريح له ساعه في إنتظار أفراد العائله عشان يتغدى

وبعد الغداء الرايق

يروح لغرفة الجلوس ويشرب شاهي للتهضيم ويحلي بقطعة كيك
وبعدين يروح لغرفته ينام له ساعه قبل العصر


وأطفالنا الحلوين


أما الورع منهم يجي مد المدرسه وثوبه قالب لونه بني< تقول جدار مدرسه

وإذا دخل البيت رمى الشنطه بالصاله وفصخ ثوبه

وينك بالشارع< أخوياه يحترونه وهاتك ياللعب

كوره بذا القايله وعادي الشارع مولع من الحراره وهم عادي مررره
ولاكأنه فيه شي وأهله مايدرون

في هذه الأثناء يرسل أبوه كتيبه من أخوانه للبحث عنه
وإذا لقوه وجابوه للبيت

قام يصيح طقوني وسحبوني قدام الناس< والله ما أحد لمسه النصاب


المهم يحطون الغداء< كبسه لحم غيره مافيه!! يتغدى الورع الكريم
ويـ‎ـــــ‎ـــ‎ـــــ‎ــــــ‎ــصك بعدها لتر لبن

بعدها يجلس ساعه فاتح فمه (قوووويه) ههههه
يحتري من يوديه يغسل له يديه!!!!؟؟؟؟؟




3 -


اطفال الناس الأجانب



أطفال الأجانب إذا جاء العصر جابوا دروسهم وشافوا وش عليهم من واجبات وحلوها وحضروا دروس بكره بمساعدة الماما والبابا.


بعدها يروح لغرفة الألعاب ويجلس على البلاي ستيشن3
وأخذ لعب لمدة ساعتين تقريبا
يعني إلى وقت مابين المغرب والعشاء.


بعدها تطلبه أمه مع بقية أخوانه عشان يجتمعون ويشربون العصير

ويسولفون سواليف




أطفالنا الحبوبين

يجي وقت العصر وهو نايم<مفعول اللبن يقوم قبل المغرب وياخذ دروسه وواجباته< وأقلامه ناسيها في درج الطاوله الي في المدرسه

ويروح عند أخته ويتحايل عليها بكل ما أوتي من قوة علشان تحل له الواجبات وإذا قالت لا ياويلها يا سواد ليلها( اكيد


وبعد كذا أنواع الدجه مع ورعان الحاره ومن هم على شاكلته مايخلون هندي إلا ويسرقوا سيكله

وإذا رجع البيت< على الساعه 11 تقريبا تلقى راسه مفلق من جميع الإتجاهات والشرطة تدوره وجارهم مسوي إعلان عليه
مطـ‎ـــــلـ‎ـــــوب
حي أو ميت!! وخذلك عاد< مساكين أهله



4 -

أطفال الناس الأجانب


أطفال الأجانب بعد مايتعشى ويمسي على أهله يروح لغرفته ويجلس على النت ساعه أوساعتين إلى موعد نومه< الساعه 10 تقريبا

بعدها يغير ملابسه وتجي المربيه وتحكي قصه إلين ينام تغطيه وتطفي النور


أطفـ‎ــــــ‎ـــــالنا



إذا رجع البيت< الساعه 11 مايدخل مع الباب لا ينط من فوق السور علشان أبوه ما يمسكه


وعلى طول لغرفته ويسكر الباب ويطفي النور ويطل من الشباك

على باب الشارع الرئيسي يشوف وش صار على

مسلسل المشاكل المكسيكي
إلي جابها معه للبيت وكيف بحلها أبوه مع الناس ومع جارهم ومع الشرطه


وفي أثناء ذلك

يستغل الفرصه ويدز للمطبخ وياخذ منه جبن< جبنة البقرة الضاحكه وخبز

ويرجع لوكره< آسف غرفته

ويقفل باب الصندقه < أكرر إعتذاري الغرفه

ويتعشى من ذا الجبن والخبز



إلين ما يدوخ< على الساعه 3



منقول للفائده خخخخخخخ


اتمنى لكم المتعه لا تحرموني ردودكم ..


سحوره

هههههههههههههههههههههههههههههههههههههه


الله يسعدك احس اني ضحكت من قلبي

ياااقلبي على اطفالنا اثااريهم ماايعيشون طفوله يعيشون رعب


تسلمين حبيبتي سحر على الموضوع الي يهبل






جوجو

ترى اطفال الاجانب اسوء في عيشتهم

ماكو نعمة قد انو يقوموك اهلك الصبح اول وجه تشوفه اهلك مو مربية

هههههههههههههههههههههههههههههههههههههههههههههههه>> >>>>>>>>>ضحكة تعبانة

الله يعافيك من جد اطفالنا يضحكون

ههههههههههههههههههههههههههههههههه


سحوره

الورعان حقنا فضيحة


يعطيك العافية

جوجو

ههههههههههههه

حلوووووه

بس أكثر ماأعجبني ..

7
7
7

هذي عجبتك ... شكله من صفاتك الجميله هع ..


الف شكر دوم الضحكه ..

لا بس الناس ماخذين فكره خلط عن العتبان .. << والسبب ناس ينحسبون على العتبان ..

ولا العتبان مافي أحلى منهم ..