مقارنة أيكيا السعودية بامريكا والكويت

وصلني هالإيميل عن أيكيا

والصراحة جزء منه صحيح وجزء فيه إجحاف وجزء مدري عنه

فنقلته لكم كماهو لعل الشركة تحسن من خدماتها وتخفض من أسعارها الخيالية

--------------------------------------------------------

السلام عليكم .. وشلونكم .. انا اليوم متكلف وبكتب لكم موضوع لاني منقهر ومنفقعه مرارتي ..

قبل فترة دخلت موقع ايكيا الأمريكي ، ابتفرج على كتلوج 2009 ،

وعلى الفروع وتوزعم بولايات أمريكا واسعارهم لقيتهم متوزعين فقط بـ 19 ولاية من أصل 52 وهذا يدل على انهم مهنا شعبية ولا قدرة تنافسية

واللي لفت نظري فعلاً وشيء احبه وكنت اتمنى ايكيا يبيعونها من زمان اللي هو الأرضيات الخشب ( الباركيه ) .. شفتها بكتلوج إيكيا فرع امريكا المتر المربع بـ دولار و15 سنت يعني ( 4.31 ريال ) يمكنكم تراجعون الأسعار بالكتلوج الأمريكي عبر الرابط :

IKEA Online Brochure

رقم الصفحة 300

وسعر نفس القطعة ( باركيه خشب ) لدى إيكيا السعودية بكتلوجهم صفحة رقم 298 ، المتر الواحد بـ 75 ريال !!!!!!!!!!!!!!!!

يعني الفرق 70.69 ريال بكل متر !!!!!!!!!!!!!!!!!


برضه نفس الموضوع .. الخشب الباركيه شوفوا كتلوج السعودية صفحة رقم 298 تلقون على الزاوية يمين رقم 2

.. ارضيه خشب إسمها سلاتين - سعر المتر 34 ريال وتعتبر مخفضه واقل سعر عندهم ... سعرها بأمريكا المتر المربع 69 سنت يعني ( 2.58 ريال سعودي ) يعني الفرق 31.42 ريال بكل

متر

!!!!!!!!!!!!!!!!!!!!!!!!!!!!!

ليش هالإستغلال ؟

وضمان فرع امريكا 15 سنة ، وضمان السعودية 10 سنوات مع ملاحظة ان جونا يحتاج فترة ضمان اطول !!!



اضيفوا إلى ذلك بطاقة عضوية إيكيا اللي ادعت ايكيا السعودية انها الغيت من ايكيا السويدية مع انها للآن معمول فيها بكل فروع العالم وتمنح خصومات واكواب قهوة مجانية لكل زيارة وتعتبر شيء مشجع للزبون ومخسر بنفس الوقت لإيكيا .. لكنهم الغوها لإنهم مايبون يتخلون عن ارباحهم الخيالية ولإنهم اشتهروا وصار لهم زباين دائمين مهب زي قبل يهشون الذبان حول جامعة الملك سعود محدن حولهم
ايضاً ايكيا الكويت ( مجموعة الحميضي ) يسوون تخفيضات 4 مرات بالسنة وينزلون إعلانات بجرايد الكويت فيها تخفيض حقيقي على بضايع جديدة ماتمت 8 شهور عندهم ، وتخفيضات حقيقية مهب على استوكات قديمة قطنت بالمستودعات زي ايكيا السعودية ، وبرضه فيه عمال من إيكيا موظفينهم مهنتهم يشيلون اغراضك

ويوصلونها لشنطة سيارتك ولا تدفع لهم ولا فلس .. وحنا ينقال لنا شيلوا اثاثكم ودفوه للمحاسبين ومن المحاسبين ودوه لشركة التوصيل والتركيب ، ولكم ان تتخيلون شلون الواحد بيشيل دولاب وزنه فوق الـ 44 كيلو وهذي صارت لي انا شخصياً يامحدثكم ( عبدالعزيز ) كنت رايح الظهر باخذ دولاب شفته بالدور العلوي وكتبت بورقة مكان الدولاب بمستودعهم السفلي بأي ممر وبأي مكان القاه ونزلت واخذت عربية قبل مدخل المخزن ودورت الدولاب وجيت اشيله لقيته ثقيل

وزنه 44 كيلو حسب ماهو مدون ببطاقة المعلومات ورحت ادور احد يساعدني من خدمة العملاء ومالقيت احد وباقي على اذان العصر بس 10

دقايق واضطر اشيله بنفسي وادفه للكاشير اللي مشى حرمه قبلي بس بيني وبينكم تستاهل لإنها خواجه وانا ضروطي

طلع للخارج وبرضه مالقيت ولا عامل يساعدني واروح اجيب سيارتي واشيله بنفسي والنهاية .. ورم اسفل ببطني إستمر حوالي 6 اشهر



المهم نرجع نكمل سوالفنا عن فرع الكويت



تخفيضات الكويت توصل لـ 70 % ، وحنا اذا تكلفوا 35 % وعلى شيء مايسوى وقديم وله سنين متكدس عندهم ، مع العلم ان التركيب والتوصيل بفرع الكويت (( مجاااااني وخلال إسبوع واحد فقط )) .. وحنا ياخذون 15 % على التوصيل والتركيب ( كل شيء

ماعدا المطابخ اللي يلحطون عليها 20 % ) والتوصيل فقط بدون تركيب بياخذون منك ( لا يقل عن 150 ريال ) حتى لو بيتك بالسلي جمبهم الـ 150 ماخذينها ماخذينها ... والله والمواعيد الحين يالله تلقى لك موعد عقب 8 ايام ، وشوفوا شلون اثاث الناس مكوم بالرصيف الخارجي على طبيات خشب ينتظرن دورهن للتركيب مع

شركة

TNT

الخايسين .. وش رايكم ؟؟؟

وزود على هذا وذاك شينة نفس واخلاق العمال السعوديين التكارين اللي اذا ماصرت حرمه مهب معطيك وجه ومهتم فيك ولا باللي تبيه .. زود على ان مكانهم شين وإذا جيت تطلع منهم تصيدك إشارة مخرج 17 اللي كلها تريلات ... ياجماعة الخير وش رايكم نقاطعهم بس


مـــــــنـــــــقـــــــول

والله الاستغلال مافيه رقابه

وين وزارة التجارة


مشكوووووووور

بعدين عن الرقآبه

شكري لك اخوي

دمت بوود

إستغلال .. وضحك على الدقوون ..


بصراحه هالشركه ... جاني كتالوجها قبل أيام وآنا في الدوام ...

وقعدة أتفرج عليها ... شف إن الأسعار .. مو سهله ..

يعني كنبه وحده ... بــ 2000 ريال يعني شو هالجنون مادري ...

وعندنا نحن مجتمع ... أي شيء يحصلوونه حلو ما يفتونه ...


يعطيك الف عافيه ... على هالموضوع حبيب قلبي ..

ما ننحرمش

والله محد طقكم على يديكم وقال غصب اشترو من عندنا!!!!

حراج ابن قاسم وضواحيه مليااااااانه اثاث
يعني وشهوله نروح لكيكيا مدري وش اسمها؟

الله يعين الجميع وييسر امورنا كلبونا

مالي تعليق على الموضوع.اللي قبلي ماقصروا

لكن ياليت مره ثانيه يا كوول تنتبه وين تحط موضوعك فيه اتمنى مايتكرر هالغلط اتمنى تزور هالرابط هنا عشان يكون عندك

فكره^^

اتمنى الدخول قبل كتابه اي موضوع في هالقسم

ومشكور على الموضوع لاعدمنااااااك اخوي