حسب الله أنخطفوووو!!!!!

مرحباااااات عسكر
رحنا مشوااار بالبحر>>بحر بالرياااض

في جدهـ كنا >>يالبا جدهـ

المهم أني أصبحت رحت ألقط البنات من بيوتهم >>حشى جمرات

وشمينا للبحر طبعا رحنا للمينا طبعا كلهم حاشرتهم بالجيب ومولعين اناشيد عصافير الجنه وام عربج تتنكس تحسبه سامري

أكتشفنا أن سفينتنا راحت وخلتنا خير إن شاء الله شلون السفينة تروح من دون ما ياخذونا

ونعصب وحالتنا حالهـ

تقوم فرفش وتقوووول :يوهـ وش هالحظ ليش كلما بغينا نتمشى راحت علينا السفينه

مزمز: إيهـ والله صادقه أشين شي ....

خوخه : طيب وش نسوي ألحين ؟؟!!

عربج : لو أنكم مخليني نايمه أصرف لي ...

أبوي(سوسو): نعنع الله يهديك كان ظبتي وضعك من بدري موب مهجدتنا من الصبح قوموا أخرتها راحت

أنا : ياسلام والله موب مشكلتي أنكم صايرين فقمات ما تعرفون ألا النووووم لي ساعه وأنا أقوم فيكم حتى الفطوووور من زود أني أبي أوصل بدري طلبته لكم مير أنكم ما تستاهلون يا الجحلط

في هاللحظه كانت الشله تمشي بين السفن وشافوا سفينه مابعد مشت ولا فيها أحد

أنا : خل نرووح لذيك ونشووف نستأجرها

الشله:شورك وهداية الله

ونرووح وندور لها والي مالقينا

دخلنا جواا نحووووس ما درينا ألا وذاك الرجال اللي ملقينا قفاه

قلت : لو سمحت السفينه للبيع

وهو يلتفت وأنا أسحب جلنط من الرووعه

والبنات مخيليني باتمان حقهم متوزين وراي

قلت ما شاء الله جون سلفر بيننا الله يحيك

وهو اللي يقرب هو وساقه الخشب

طقتني أم الركب خبريبه رمى جيمس صديقه الصغير بالبحر يامال السكني >>>>>ماش mbc3 مأثره فيني

وأنا أللي أسوي نفسي بطله وأعض فستاني وأنحاش >>توقعي ياسندريلا

ولا البنات يدابتسن معي وابنزل مع الدرج وجي ذاك الدب خويهم نسيت وش أسمه

قال : مافيه روحه >>دب ويتكلم عاد أنتم تخيلوا الصوت تقل يتكلم من بير


ونركض ما تسمعوووون ألا صراخ يوم أني بغيت أصير

جنقر وأنط على أرض اليابسه أكتشفت أن السفينه مشت أنا هنا دميعاتي بعويناتي

قالت فرفش :وش تبووون مننا؟؟ >>أخس مسويه فتيات خارقات

قال جون سلفر : أبد ما نبي شي بس السفينه تحتاج تنظيف وكنا نستنى أحد يدخل عندنا بالغلط وماشاء الله جانا مجمموعه ست حريم >>>أنا هنا عصبت

قلت: لهالدرجه أشكالنا أشكال عجز يوم أنك تقووول حريم ؟؟؟؟>>تراها معصبه

وهو اللي يلتفت علي ويقوووول :أفا بس يالطخما >>هنا أنا خقيت <<أنتي السكرتيرهـ حقتي وتنظفين غرفتي وتضبطين وضع البنات هنا

قلت: وشوووو كل ذا فوق راسي

قال : أيه ألا وهو يشر يسار >>>تحطكم بالصورهـ غصب

ولاهم مربطين مزمز و فرفش و خوخه و سوسو و عربج بيرمونهم بالبحر

ومزمز : تصرخ لا ترموني حرااام توني مستشورة شعري يا كلاااااااب لااااااااااااا >>>> بتموتين وتقولين شعري

قلت أنا: تهددني >>ياحبيلي لازم أخذ دور البطوووله هع

انا نع نع والقلب يرنع تهددني

قال: هو ترى بيموتوون

أنا هنا قعدت أتذكر أيام البر والوناسه والخبال ودباب عربجيه وطقنا توالي الليول ومحارشنا للعيال >>اصلا صح هم اللي بدوا أول

وأنا قلت : خلاص بس صديقاتي ما تجيهم

طبعا بما أن مزمز على قولة عربج متكفله بالطبخ وتنقيل الغاز مسكوها المطبخ وقرابيعه

وهي عاد مهنا خبرة وكل ساعة تكسر صحونهم وتصرخ يا ربيه وش ذا انا اللي ازين كل شئ غش غش

جون سيلفر : اجل وش تبين يا الحبيبه تصيرين القبطان لا تعالي صيري قبطان تكفين

مزمز :بس تعطيني القبعه >>>طراره وتتشرط

جون سيلفر : اقول تمسكي بس لا يكثر روحي زهبي لنا كبسه لا يكثر >>> حتى القراصنه يحبون الكبسه

مزمز: وش ذا غش ليش نعامه تصير سكرتيره وانا شغالة حقت مطبخ هذا غش

جون : اذا صرتي طخمتن مثله تشرطي الخلا

وسوسو مسكوووها الارض تنظف الارض

فرفش >>مستخدمينها لترويع خفر السواحل ههههههههههههههههههههه بحكم الكشه اللي تقل كادتها بشروخ هع هع

عربج >>بما أن خبرتها بالتفحيط >>مسكووها المجاذيف اللي تحت وكسرتهم اللي يصلحها

ما خلت مجداااف سليم ذا العربجيه تقل تحسبه قير ددسن 87

وراح عاقبها جون يوم كتبت على السفينه ( خلك مع عربج لا تصير تعرج ) المهم كفخها سلفر وحبسها يومين لانها لمست الوتر الحساس عند سلفر المهم حبسها بغرفتن ضلما بس عقب ما نزلت انا دمعتين عنده قال كلش ولا زعل الطخما وقام افرج عنها

خوخه>>حاطينها مراقب تالي الليول هم يرقدون وحنا نكرف بوصخهم


وأنا طبعا على قولة جون سلفر مستلمه غرفته وإلى قالي ضفي وجهتس شوفي البنات وش يسون رحت أسولف معهن هع

لين مره وأنا أضف حوستهـ

لقيت صندوق تحت السرير وأنا يجيني حب خبر

وشفته ولا لاهي يتغدا جعله الغصه

وافتحه وألقى خرايط وسماجه والقى مجلات الرياضية منثرة وصور ماجد عبدالله مقصقصه من جرااايد >> يا حليله جون حتى هو نصراوي

واعداد مجلة فواصل >>>> حوماااااار عنده فواصل ما عطاني اتسلى به هذا وانا الطخما هين يا الاعور

بس فيه خريطه ورقه ما كلته الارضه وأنا أسحبها

وشكلها والله أعلم خريطة الكنز

وقمت ورجعتها لأني سمعت حسه وهو يجي وسكرت الصندوق ورحت أكمل ضف لي يوم ذاك قالي طسي يالله

رحت أعاون مزمز على المواعين وعلمتها بالسالفه

رحت لخوووخه ولقيتها تمشى بالليل قلت لها يابنت ضبطي وضعنا بقارب حاولي تجهزين قارب نجاة بأوي وسيله عشان نفرك من ذا النشبه

طبعا قراصنه ماعندهم قوارب نجاة

لأنهم أن خانوا يموتون والا يروحون بسفينتهم

المهم قمت أنا ووزعت مهام الخطه على الشلة

رحت لفرفش قلت لها شوفي إذا جو خفر السواحل روعيهم لا يجووون بس أنتي حاولي أنتس تبعدينهم

المهم رحت لسوسو قلت لها شوفي حاولي تلقطين حتسي منا والا منا فتحي أذوونتس زين

همن سيرت على عربج يوم جيت بروح لها وهو يقوووم سكني السفينه سلفر

ويناديني وأنا اللي أطير أخاف يذبحن

سلفر: خبري أن النعام ما يطير

قلت أنا: لا صحح معلومتك النعام يطير هع

المهم الحتسي هذا كله وقت القيلووله >>من تناحتي النعاميه الفائقه للعاده نسيت أن فيه مراقب فوووق كان منتبه لتحركاتي وحس أن فيهـ شي خطير

المهم ما أمداني طلعت ألا وهالعصل اللي عيونه تقل بومه داخل يكلم سلفر

ويعلمه بالشي الحاصل ....

المهم راح وناداني

قال: وش كنتي تسوين يوم قلعتتس ورحتي يا مال الطسس

قلت:عادي رحت أسووولف مع الشله وأساعدهم

قال :كلهم رحتي لهم

قلت: لا طبعا باقي عربج تحت يوم بغيت أرووح وانت تناديني قمت وطمرت >>>ياعيني على الفتاة الصادقه

قال: أها طيب وش عندتس قالبتها مسايير عليهم >>>>أتخيل جون سلفر يتكلم كذا

قلت: أبد صقيقاتي :قلب:وأحبهم ولازم أخذ آخر علومهم

قال :مايبون آخر علومك:وجه ملوون من الخرعه:[/color]

ومشينا السالفه بكم تصريفه لا تسأليني وش التصريفات لأني نسيتهم من الخرعه

المهم جا بالفالليل على قولة صلوووحي

وأنا اللي أروح لصقيقاتي هاه ظبتوا الوضع قالوا أيهـ قلت أنا بروح أعاون مزمز على المواعين وأدخل غورفتوهـ

المهم كان سلفر وباقي القراصنه يتعشووون >>ياجعلكم تغصوون وحنا ناشبين في سفينتكم كننا قطاوه مهدده بالانقراض >أها بس

وأنا اللي أخش الغرفه عشان أضفها وأمسك الصندوووق وأفتحه وآخذ الخريطه وأوزيها

وندعس يوم جيت أبركب نسيت أني ماعلمت الانسه عربج بنيت عمي بغيت أنساها

وأنا اركض أنزلها تحت وامشي ونسرق مجذاف وننحاش >>>>>لا تسألوووني وشلوون لقينا قارب جاء بخيالي كذا فجأه >>> حسب الله اذا ما لقو قارب يجيبون قارب

بالقااااارب ونمشي وهـ تعبت عربج مسكته عنها ويوم تعبت كملوووا البنات عني وهكذا إلى أن تعبنا وخمدنا بالقااارب

وألى مزمز وسووسوو قاموا الساعه عشر >>نصابه أصلا ماخذين كلش ما بقو الا الثياب هع

من زووود الصجه اللي فجأه جت >>>باقي الشله نووومهم ثقيل أولهم أنا

ومزمز تنهبل وتقومنا وأنا أقووم خير وش السالفه

ولا فيه أسماك قرش جايه جهتنا وأنا اللي تطقني أم الركب>>> يا كثر ما تطقك >>> نعامه وش اسوي بعد هوع هع

وقلتلهم أسكتوا سمك القرش فيه خطوط إستشعار >>>لا هذا وجهي أن فلحتي بقسم الاحياء

ونهجد ونبلعها ونسكت قامت تدوووووور وتفر تفر علينا حسيت أننا كعبه هع >>>>أنا بأموت مير حللوني

ما درينا ألا وسمك القرش يروووح

قلنا :هو ذا وش عندهـ ولا فيهـ سفينه جايهـ بالطريق >>>أخس ياطريق

المهم السفينه كانت كنها طالعه من مقبره تروع والاشرعه حقتهم تقل صراويل وفنايل دروش كانو لابسينها هنود

والمهم ويرفعونا للسطح

ويقعدون يطالعون بوجيهنا كنهم اول مره يطالعون اوادم

انا : قسم بالله ما سوينا شئ هم اللي خطفونا وطقونا وانا صرت السكرتيرة عشااني طخما >> فرحااانه

صح صح يا بنات قولوا صح

البنات : ايه صح قسم بالله قسم بالله

ويجي واحد يروع شااايب وجهه كله نمش تقل داقه جدري

اسكتواااااا اااااااااااااااااااااااااااااا

ويجي كابتنهم ويتفرقعون وكله كذا هيبه وابو نمش يقول كابتن لقيناهم

المهم الكابتن رفع يديه يسكته ويوم رفع شوي القبعه عن راااسه الا

يطلع الكابتن جاك سبارو >>صار جاك سبااااااروو وهـ بس يالبيهـ

المهم ولاه ماش موب على بعضه

قال :أنتم وش معكم ؟؟؟؟ ووش عندكم ؟؟؟

قالت فرفووووشه :أنتم اللي ساحبينا من قاربنا .... >>>>ماعندها تفاهم هالبنت أبد

قالت مزمز : انتم اللي وش تبوووون ؟؟؟

قال: جاك سارووو :أبلعيها بس وبلا كلام وهاتوا ماعندكم.!!

قلت: ما عندنا شي واطلع لساني ابد ولا شئ سلامتك

قام وِأشر لواحد من ربعه يذبحنا قلت انا خلاص بس شف بيننا تفاوووووض ترجعنا لجزيرتنا>>>>أخس ياجزيره <<< سالمين ونعطيك اللي معنا
قال :و اللي عندك

قلت :خريطة الكنز

وهو يخزنا وأنا أخق

قال: من وين جبتوها

قالت عربج :من سلفر ابو عين جعل عيونه تفقع قل امييين

ترقبوا وش صار فينا بالجزء الثاني

الله يبي يرجع جو الحماس من جديد ,,

انا معك حتى وقت التخطيط ويوم كفشك وانتي تدبرين السالفه وراجع اكمل في رمضان

حيا الله مدير هع

يالله لا تطول علينا بالتعليق

يسلموا على المرور الكويس ياأكوس مدير كل أبو دايم تعال

خخخخخخخخخخخخخ

ماشاء الله خيال واسع ..

الله يكفيكم الشر ان شاء الله .. ماينخاف عليكم ابد

يله نترقب وش صار فيكم .. مع ان بعض الالفاظ هنا مافهمتها ... احتاج لمترجم



نننتظرك نعنوعه لاتطولين علينا .. الف شكر

أحس إني تعبت وآنا أقراء ,,

هع هع هع هع

الله الله على حماسك ... تجيبين العافيه ....

بس حلوووه .. (( توقعي يا سندريلا ))

والله وجهي وآنا بالدوام .. وفاطسٍ ضحك ... (( مهزله ))

ههههههههههههههههههه

وربي انكم فله

ماشاء الله عليكم خآرقآت قآآل

ماعليكم خووووف بارك الله فيكم


وعليك مصطلحآآت ولا احلى بس توقي من بعض الكلمات


لي بآك افتر بعدين

هههههههههههههههههههههههههههههههههههههههههههههههههه هههههههههههههههههههه

يالخبلهتسدحت ظحك اوما سكرتيره ياخطيره..وانا ياحرام حاطني في المطبخ جعله المرظ:(.>خشيت جو هع

>>>>>>>مدير ماتنفع تتابع قصص هعشكلك تكره شي اسمه قراءه >التحيه لا اروح فيها


يسلمو نعامتي على الجزء الاطخم يا طخماا هع

الا تعالي ماقلتي من بيكتب الجزء الثاني لايكون اناانا اقول خليها على صاحبه السمو خيالها شاطح مره تنفع تكتب

هههههههههههههههههههههههههه

فري فري ناي فري سويت فري كيوت فري اكسنت فري دشره فري فله

سلفر ابو عين >>>> عجبني الأسم


يالله ننتظر الجزء الثاني